DAGANG BUKAI????

BSP bisi atur deka ngujika nasib serta ngerembaika bansa dagang ka bukai kelimpah ari ka mansutka album-album lagu belabuh ari 2014 tu mega. BSP benung dalam perambu ngujika nasib dalam bedagang ka barang bukai ianya bejual VCD album-album lagu Iban, Melayu (nyengkaum lagu ari penyada Indonesia), album lagu-lagu ribai serta ba kedai ka sama nya deka mega bejual ka garik / pakaian ka pisin baru ti dikerinduka orang mayuh kemaya ari.

Enggau peluang tu, BSP nesau bala kempeni-kempeni pengerikut kitai bansa, tau mega nganjung / deal enggau cara terus enggau kami enti deka nguna kedai kami bejualka VCD album-album ka dipansutka kempeni-kempeni kitai dayak. Kami nyukung dagang VCD ti chulin (Original). Tu siti peluang kitai nyual VCD ka chulin. Anang kakang ati wai menyadi semua, laban tu mega peluang kitai ulih belakuka product kitai sama-sama.

Kedai BSP tu bepalan ba Pasar Baru Tatau (Giga signboard BSP), nunga orang ka bejual candut & alai van sua parking. Kedai tu besais mit aja.

Kami ngarapka kitai bala mayuh sama bela nyukung pengawa BSP tu awakka bansa kitai sama-sama ulih maju baka orang bukai.

Nya alai, kedai tu ila gabungan butik & kedai VCD. Ka diatu, kedai tu benung dalam pengawa ka ngadu, ngeripair, ngecat, ngelekatka rak & alai ngantung baju-baju serta utai bukai mega. Tang dipelabaka enda bangat lama da agi, kedai tu deka belabuh dibuka ngagai orang mayuh.

Datai meh bebala mayuh, semua utaika dijual dijamin dalam kandang rega ka ulih dibelanjaka kitai. Pisin garik ka baru-baru, bisi dijual munga mit ba kedai tu. VCD chulin mega bisi dijual ditu ila.

Kami minta berkat Tuhan meruan enggau kami dalam ngereja semua pengawa, awakka semua utai dikereja mujur & nitihka peneka IA magang. Lalu, awakka jereki ti di ulih ari semua utai dikereja kami, nyadi jereki ka diberkat Allah Taala. Amen.

MENYADI SEMUA/ PENINGA MAYUH, aram meh kitai sama mansang enggau cara besukung pangan diri.

TAUN 2014

D' HATTA BAND

Sepengelama setaun lebih BSP diau diri nadai mansutka produk. Ditambahka mega ditinggang penusah pemati menyadi kami ke biak bulan Semilan (September 2013) taun nyin kemari, nambahka agi BSP ka diau diri laban bedau nyamai alai begagaka produk.

Taun 2014 tu, perambu mansutka SINGLE ari siti raban band diberi nama D' HATTA BAND deka diteruska bekau projek tu ke lama udah ditangguhka. Penyada (vocalist) asal raban tu suba ianya niang Lorenze  Maring. Maya projek tu deka dipenyadi, tak enda mukai-mukai tudah ninggal ka kami dalam penusah ba jalai alun. Nya siti ari kebuah projek tu betangguh lama.

Single/siti lagu pengelala (introduce song) udah ba ikas ka penudi mixing & mastering. Lagu tu tau mega dikumbai berentak modern rock deka dianjung ngagai stesen-stesen radio awakka belabuh dipasang serta nyangka dipasukka dalam youtube ianya siti cara dikena mansutka mua/gerup sida D' Hatta Band tu.

Kami BSP ngarapka sukung ari peninga lagu-lagu kitai bansa, awakka pengawa tu tau nyadi siti ari cara kitai bekunsi ke ubah / pemansang muzik dalam industri kitai. Sigi amat tusah ba kami ngemai ubah muzik ke lebih manah agi laban bedau semua peninga kitai bansa ulih nerima semua tu. Kami kala dikumbai orang "syok sendiri" tegal ubah muzik ti dibantaika/dibai bedau ulih diterima bala mayuh. Tang semua nya ukai ngelemi ka kami, tang majak ngeringka kami deka nyingkang ka mua. Laban ukai ngira untung ba duit gegelik (semata-mata). Tang deka sama-sama ngerami dunya pemerindang.

Kami beterima kasih ngagai semua sukung peninga ngagai produk kami ka udah-udah. Mayuh ga diterima ba sesebangkah menua taja enda semua. Kami arap, kitai bansa anang berunding baka ka udah, sama-sama meh kitai muka mata & pikir kitai maju ka mua agi.Tajapan ka diatu, kitai bedau bisi saluran dikena mai muzik kitai besemekih sebaris enggau muzik-muzik bansa bukai ke udah dulu jelai beberita keluar kin. Tang, ka patut ia, sukung ari bansa / komuniti kitai empu cukup bereti serta beguna nyadika pengering kitai lebih maju. Beduduk ari urat ti kuat, kitai tau bediri dedegi baka orang bukai.

Enda nyalah-nyalah baka muzik rock ba terubah pengerembai ia suba ti tusah diterima mensia mayuh, sampaika sida penanyi-penanyi rock tusah ngiga makai. Bakanya mega pengawa kami ka ngiga endur (tapak) ba ati peninga kitai bansa. Muzik baru ka dibai Band / raban kitai diatu, ukai muzik ti pedis didinga tauka ti ngembuan leka ka enda nyamai dipendingka, tang muzik modern rock ka suah didinga kitai enti raban / band luar ngemai/nyadaka ia. Kitai rinduka lagu-lagu ari raban luar baka ari Indonesia, Semenanjung serta orang putih, tang, nama kebuah kitai enda rindu enti raban ari bansa kitai empu ka mai muzik sama bakanya?. Nama kebuah?. Kebuah ka suah di dinga ianya, laban kitai bansa bedau ulih nerima ubah muzik bakatu, bakanya, bakanyin serta pasaran kitai lebih laku ba orang-orang rumah panjai ke rinduka rentak dangdut biasa baka ka selama tu didinga kitai. Amat. Amat pasaran kitai laku agi ba entara orang-orang rumah panjai/menua ulu sungai/pedalaman, tang diatu udah mayuh mega kitai bansa mindah gawa serta diau di nengeri. Tinjau ari "penghijrahan" kitai bansa ari menua ulu ngagai nengeri enda bangat tinggal ari bansa bukai, tang dini / nama penanggul kitai pedis ka nerima ubah dalam muzik?. Dani meh kitai menyadi semua. Dani kitai lalu angkat nitihka orang. 

Nya alai, pulai agai muzik rock ke tusah diterima ba atas nyin tadi, diatu, muzik rock siti ari muzik ke paling engkeman ba ati mensia mayuh nyengkaum kitai bansa. Jarang enda nemu lagu-lagu rock kapak ari sida Sweet Charity, Wings, Search, Lefthanded, Damasutera, Qiara, Wow, Illusi enggau ke bukai, dipelabaka nyau ka semua nemu, sema enda mayuh, siti dua lagu sigi bisi nemu. Bakanya mega utai dikarapka kami, bisi maya ila, muzik baru deka engkeman diterima dalam ati peninga kitai bansa. Nya alai, ukai kami BSP & D' Hatta Band aja ti napi penanggul tu pelaba aku, raban/kempeni bukai mega sama, arinya kitai besabar meh dulu enggau penerimaan orang mayuh. Ila, bisi maya muzik baru ka dibai kitai nya deka diterima semua. 

Kitai sama-sama nyingkang lalu sama-sama ngarapka peninga nyukung kitai dalam semua tu. Taja pedis diatu ba kitai, tang laban kitai bansa sigi bansa ka mereti, pandai & regas, bisi maya ila, muzik & penyada kitai bansa sigi ulih diterima & besemekih.

IDUP KITAI BANSA!!!..MAJU MUZIK KITAI!!!....

"AKU TU TI PENGANGKAT ENGGAU PENGIDUP, BARANG SAPA TI ARAPKA AKU, DEKA IDUP TAJA IA MATI" John. 11:25

Kena 29.09.2013, pukul 12.50 tengahari, ta' asaika petang tegayam, bejalai enda belantai, dada asaika dipandam, siang asaika malam meh kami sebilik nerima berita pemati menyadi asi kami Lorenze (Lawrence) Maring. Ta' enda disangka-sangka, nadai tepadahka nyawa, nadai disagi-sagi meh menyadi asi kami ngejang ke menua enda pulai agi. 

Asaika ngetu putar dunya, meki pusin jam serta teketu silih malam enggau siang laban penusah ke paling pedis ditapi' tu. Ia ka diasi, diandai, disayau serta paling biak kering, ia ga ka dulu pegi ninggalka kami & dunya. 

BSP sebilik (nyengkaum sepiak entua ia) berasai puang serta berasai "lenyau" barang paling berega ba dunya ditinggalka niang Lorenze midang nengali' ari, sulai nengali' lemai. 

Sada nyawa, gambar-gambar serta video niang sekumbang ke udah di dalam dunya pemerindang, taja semina setaun jagung aja, meruan ngasuh ati beraie. Semua pengawa BSP, nadai enda bekau jari ia, nya ti meri kami sinu amat. Diatu, kami agi pedis napi' semua tu, tang kami pecaya, ila, semua tu nyadika pengingat paling manis serta ke disimpan dalam ati kami nyentukka seput padam datai maya Petara mega ngambi kami baka ia ti ngambi niang tu.

Nyadi pemati niang tu, ngambika bala mayuh sama nemu, niang tu nadai bebadi ba jalai alun. Maya niang enggau 3 iku da' kaban ia bemoto sikal ba Keningau, Sabah. Mayanya, niang ngena motosikal Yamaha FZ 1000cc ke baru sebulan udah dibeli (moto lama ia Yamaha R1), penusah ti deka nyadi sigi nadai disadang lalu nabanka nyawa ia. Bakanya meh munga mit gaya pemati ia.

Lorenze tu meh ti nengkebang blogspot BSP tu. Diatu, dini bisi ia agi ngereja pengawa tu?. Aku, Juliana ngambi tanggung pengawa tu, nyambung utai ti udah di pun ka ia suba. Enda nemu aku nyema' ka asai ati ti kelalu sinu serta agi bedau nyamai mayaka ngaduka artikel tu. 

"Mau, dini alai aku minta tulung ngaduka utai bakatu agi?. Nuan baka ka nemu diri enda gayu, semua utai udah di pun ka nuan memagang. Bekau ba BSP, anak bini nuan, apai indai, kitai menyadi serta ba pengidup nuan empu...(pengawa tetap & nyambung perajar)...semua udah di pun ka nuan magang. Udah semua nya ulih nuan, Tuhan pan lalu ngambi nuan. Baru kami sedar, nuan dipinjauka Tuhan ngagai kami, udah pengawa nuan tembu, nuan pan PULAI. Nadai ke ganti nuan mau..."

Sama-sama meh kitai besampika roh niang, awakka ia diau lantang di menua amat din.

Lalu nengah peluang tu, kami sebilik meri besai terima kasih ngagai bala kaban belayan ke datai ari jauh tauka semak ti sama bela tusah ngesah penusah kami maya tu suba. Kami bebasa serta berasai terhutang budi ngagai kita semua. Terima kasih semua.

Igat mit (kangau asi ba kami sebilik), nuan udah nyata diau lantang din, anang nuan enda ingatka kami ka agi idup di menua tu. Kami meruan besampi laban semina nya aja cara kami semak enggau nuan lalu nyempulang pendiau nuan ti meruan di dunya KEKAL.

RIP my little brother Lawrence Maring. (Ada: 23.04.1988, Mati: 29.09.2013, umur 25 taun).

By,

Juliana Maring

22.02.14

PROMOSI ALBUM/PRODUK ARI BSP

TAUN 2014

D' HATTA BAND

Sepengelama setaun lebih BSP diau diri nadai mansutka produk. Ditambahka mega ditinggang penusah pemati menyadi kami ke biak bulan Semilan (September 2013) taun nyin kemari, nambahka agi BSP ka diau diri laban bedau nyamai alai begagaka produk.

Taun 2014 tu, perambu mansutka SINGLE ari siti gerup diberi nama D' HATTA BAND deka diteruska bekau projek tu ke lama udah ditangguhka. Penyada (vocalist) asal gerup tu suba ianya niang Lorenze  Maring. Maya projek tu deka dipenyadi, tak enda mukai-mukai tudah ninggal ka kami dalam penusah ba jalai alun. Nya siti ari kebuah projek tu betangguh lama.

Single/siti lagu pengelala (introduce song) udah ba ikas ka penudi mixing & mastering. Lagu tu tau mega dikumbai berentak modern pop rock deka dianjung ngagai stesen-stesen radio awakka belabuh dipasang serta nyangka dipasukka dalam youtube ianya siti cara dikena mansutka mua/gerup sida D' Hatta Band tu.

Kami BSP ngarapka sukung ari peninga lagu-lagu kitai bansa, awakka pengawa tu tau nyadi siti ari cara kitai bekunsi ke ubah / pemansang muzik dalam industri kitai. Sigi amat tusah ba kami ngemai ubah muzik ke lebih manah agi laban bedau semua peninga kitai bansa ulih nerima semua tu. Kami kala dikumbai orang "syok sendiri" tegal ubah muzik ti dibantaika/dibai bedau ulih diterima bala mayuh. Tang semua nya ukai ngelemi ka kami, tang majak ngeringka kami deka nyingkang ka mua. Laban ukai ngira untung ba duit gegelik (semata-mata). Tang deka sama-sama ngerami dunya pemerindang.

Kami beterima kasih ngagai semua sukung peninga ngagai produk kami ka udah-udah. Mayuh ga diterima ba sesebangkah menua taja enda semua. Kami arap, kitai bansa anang berunding baka ka udah, sama-sama meh kitai muka mata & pikir kitai maju ka mua agi.Tajapan ka diatu, kitai bedau bisi saluran dikena mai muzik kitai besemekih sebaris enggau muzik-muzik bansa bukai ke udah dulu jelai beberita keluar kin. Tang, ke patut ia, sukung ari bansa / kemuniti kitai empu cukup bereti serta beguna nyadika pengering kitai lebih maju. Beduduk ari urat ti kuat, kitai tau bediri dedegi baka orang bukai.

Enda nyalah-nyalah baka muzik rock ba terubah pengerembai ia suba ti tusah diterima mensia mayuh, sampaika sida penanyi-penanyi rock tusah ngiga makai. Bakanya mega pengawa kami ka ngiga endur (tapak) ba ati peninga kitai bansa. Muzik baru ka dibai Band / gerup kitai diatu, ukai muzik ti pedis didinga tauka ti ngembuan leka ka enda nyamai dipendingka, tang muzik pop ka suah didinga kitai enti gerup/band luar ngemai/nyadaka ia. Kitai rinduka lagu-lagu ari gerup luar baka ari Indonesia, Semenanjung serta orang putih, tang, nama kebuah kitai enda rindu enti gerup ari bansa kitai empu ka mai muzik sama bakanya?. Nama kebuah?. Alasan ka suah di dinga ianya, laban kitai bansa bedau ulih nerima ubah muzik bakatu, bakanya, bakanyin serta pasaran kitai lebih laku ba orang-orang rumah panjai ke rinduka rentak dangdut biasa baka ka selama tu didinga kitai. Amat. Amat pasaran kitai laku agi ba entara orang-orang rumah panjai/menua ulu sungai/pedalaman, tang diatu udah mayuh mega kitai bansa mindah gawa serta diau di nengeri. Tinjau ari "penghijrahan" kitai bansa ari menua ulu ngagai nengeri enda bangat tinggal ari bansa bukai, tang dini penanggul kitai pedis ka nerima ubah dalam muzik?. Dani meh kitai menyadi semua. Dani kitai lalu angkat nitihka orang. 

Nya alai, pulai agai muzik rock ke tusah diterima ba atas nyin tadi, diatu, muzik rock siti ari muzik ke paling engkeman ba ati mensia mayuh nyengkaum kitai bansa. Jarang enda nemu lagu-lagu rock kapak ari sida Sweet Charity, Wings, Search, Qiara, Wow, Illusi enggau ke bukai, dipelabaka nyau ka semua nemu sema enda mayuh, siti dua lagu sigi bisi nemu. Bakanya mega utai dikarapka kami, bisi maya ila, muzik baru deka engkeman diterima dalam ati peninga kitai bansa. Nya alai, ukai kami BSP & D' Hatta Band aja ti napik penanggul tu pelaba aku, gerup/kempeni bukai mega sama, arinya kitai besabar meh dulu enggau penerimaan orang mayuh. Ila, bisi maya muzik baru ka dibai kitai nya deka diterima semua. 

Kitai sama-sama nyingkang lalu sama-sama ngarapka peninga nyukung kitai dalam semua tu. Taja pedis diatu ba kitai, tang laban kitai bansa sigi bansa ka mereti, pandai & regas, bisi maya ila, muzik & penyada kitai bansa sigi ulih diterima & besemekih.

IDUP KITAI BANSA!!!..MAJU MUZIK KITAI!!!....

BSP mantai ke pengaga ati mai ngagai kita bala peninga promosi album keterubah ti diberi nama BEGULAI SEJALAI. Album tu ianya album Kompilasi kami diri menyadi. "Semina deka nguji" ngica ke bisi ditela serta dipeda kitai mayuh.

Album keterubah tu ngundan 10 iti lagu ti dijangka tau ngerindu ke ati bala peninga mayuh. 10 iti lagu-lagu nya diberi nama:-

a) ENDA BETAH disadaka Juliana maring
b) ASI UDAH NYADI BUBUR disadaka Simon Maring
c) MUTUS ATI disadaka Moreen Maring
d) ANDAL disadaka Edwin Maring
e) MENALAN SUNYI disadaka Lorenze Maring
f) MERINSA disadaka Moreen Maring
g) PESAN NGAGAI ANEMBIAK disadaka Simon Maring
h) KEMARI disadaka Lorenze Maring
i) SANGGUP NEBANG SANGGUP NGESAN (SNSN) disadaka Edwin Maring
j) BEGULAI SEJALAI disadaka semua (duet)

Sekeda ari munyi sada BSP ("teaser" pandak):
pending ke sekeda ari munyi lagu-lagu BSP.

Orang ke bisi nengkebang lagu-lagu dalam album tu ianya Juliana Maring (6 iti lagu), Simon Maring (siti lagu) serta Jackson Dana (JD- 3 iti lagu). Nyadi Programmer semua lagu-lagu dalam tu bisi 2 iku ianya Mr. Abon & Cami Tan (menyadi Abon). Terima kasih ke pemadu besai ngagai semua ke udah meri bekau jari dalam album tu.

Meri besai terima kasih ngagai semua ke bisi nemuai agai blog kami tu serta ke udah muka lambar promosi BSP tu. Arap ke bala peninga ke rindu ati deka ninga album tu sampai abis, meli ke ORIGINAL. Anang meli ke disalin (cetak rompak). Kelimpah ari sama bela nagang/ngurang ke pengawa nyalin VCD lagu-lagu Iban, kita mega deka berasai puas meda kualiti ke ORIGINAL

TAUN 2012

Hello semua peninga-peninga lagu IBAN, kami BSP bisi berita manah deka dipadahka ngagai kitak semua. Dalam urung ia bulan 10 taun tu, BSP deka mansut ke album baru JULIANA MARING. Album tu, album solo JM kediri aja ti ngundan 8 iti lagu. Peda promo lagu-lagu baru JULIANA MARING ba LINK di baruh tu:

http://youtu.be/opUydSMOAD0

ENDA NYERAH ALAH

http://youtu.be/h0vf6m0eFXY

PALAN BUAH KENANG

Lagu-lagu dalam album baru JULIANA MARING dijanjika ulih narit ati kitai ke ninga. Album tu mega ngundan bemacam-macam rentak lagu. Anti meh penatai JM pulai ngagai dunya pemerindang kitai Sarawak.

.

"SUKUNG MEH PEMANSANG DUNYA PEMERINDANG KITAI"

Dikarang,
Lorenze Maring
Editor BSP

VIDEO BALA BSP BA YOUTUBE

Nya ia bulih!!!!....hahaha...dalam tu BSP mantai ke semua video klip raban BSP ka kala enggau nyada ka lagu-lagu Iban suba. Tau dipeda enggau nekan ba 'link' ka bisi disediaka ba baruh nitih ke tajuk lagu. Tu tau kena mulai ke pengingat serta beperindang maya ke nemuai ngagai blog BSP tu.

VIDEO-VIDEO LAGU PEMERINDANG DALAM BSP.

http://youtu.be/NJjbGUmJ6lA
(BSP-Teaser promosi album)

http://youtu.be/qHi3hIJoKjo
(Kerispatih-DEMI CINTA)

http://youtu.be/-A2VJ9eMUns
(Juliana Maring-PENGERINDU AKU ENDA BERUBAH)

http://youtu.be/zm-Jv5dGhq0
Aizat-LAGU KITA covered by Simon Maring)

http://youtu.be/WeZDm9Pen5c
(Juliana & Simon Maring- PEGAI TEGUH TALI SEMAYA)

http://youtu.be/IQkuE7Ckpkg
(Juliana Maring- ANANG MANDING)

http://youtu.be/BvSgXZxg7CY
(Juliana Maring-BEPANGAN AGI BELALA)

http://youtu.be/jYdGqVOgF1g
(Juliana Maring-LELENGAU DEKA BETEMU)

http://youtu.be/0YHyRXK2B8E
(Simon Maring-AKU TAUKA IYA)

http://youtu.be/e9AKEMwFuyw
(Juliana Maring-ANDAL ATI)

http://youtu.be/rJNCKvj4ceA
(Juliana Maring-NUAN SEMINA NGASUH BERAIE)

http://youtu.be/2x9CTmGPKlg
(Juliana Maring-UKAI ENGGAI NERIMA)

http://youtu.be/5J4yO4fsk7w
(Juliana Maring-DINI JANJI NUAN)

http://youtu.be/Wno3PcCy2VU
(Juliana Maring-NADAI NASIB BEGULAI)

http://youtu.be/KdS8A3ZSS-E
(Edwin Maring-BUJANG SAMPAI MATI)

http://youtu.be/I1JQ2B19rvA
(Edwin Maring-AMBI IA KE GANTI AKU)

http://youtu.be/1Qydja0hS6k
(Simon Maring-BLUES APAI ORANG)

http://youtu.be/8eMQjDX-_Hk
(Edwin Maring-NUAN SIKU DIKERINDU)


Meri besai terima kasih ngagai semua ke udah nemuai ngagai 'archive' video BSP tu. Video dalam tu deka ditambah ari maya ke maya.
Mansang mayuh ia ila pama utai nyu ka nyadi...hahaha...


Disediaka,
Lorenze Maring
Editor BSP

LEKA LAGU DALAM ALBUM KOMPILASI BEGULAI SEJALAI

Nyadi ditu ianya semua leka lagu ke bisi dalam album Begulai Sejalai tu. Engka sema maya ke dalam video klip nya bisi salah taip, nyadi ke ditu nya leka ke betul. Semua leka tu udah nyadi Copyright Controlled by BSP SDN BHD.

ENDA BETAH (JULIANA MARING)

ASAIKA DIDINGA KANGAU

ASAIKA DATAI DIJENGKAU

SERURAN SEMAK DI ATI

TAJA NUAN JAUH DI MATA

LEMAI ARI RIBUT BEPUPUT

NYERUMBA KE PENYINU ATI

MERAMPAU LEMBAU KA NYEBUT

MERINSA ATI AKU BERAIE

CO:

TI BAKA KERETAS NYAMAI AKU MANTAI

NULIS BA ATAS REMANG DI LANGIT BIRU

MADAH KE PENGERINDU KU KE NUAN AMBAI

ENDA BETAH AKU DITU JAUH SULU

JERA AMAT KU SULU NANGGUNG PENGERINDU

NYAU ASAI NUAN PEGI ENDA PULAI AGI

UKAI MINA ATI KU IRAU

RAWAN MEGA JAUH NUAN SULU

MUTUS ATI MANAH TUA JADI

PULAI NUAN TUA IDUP SEKUNSI

Leka & Tiun: Juliana Maring

ASI NYADI BUBUR (SIMON MARING)

BETAUN-TAUN AKU KEDIRI

NGIGA PENYENANG DI ATI

BEDAU TETEMU KA PENAWAR RINDU

KENA NYUMAN KA ATI AKU

NINTING ARI AKU BESAMPI

NGAMBIKA ENDA TUSAH ATI

TANG LALU NADAI NGASAI PENYAMAI

PAIT KU TELAN ENDA BERASAI

C/O:

Oh! PETARA DINGA KA SADA

SEBANA ATI AKU NYAPA

MINTA PEDA MINTA TELA

NYELIAH NGAMBI ENDA MERINSA

BERAT NENGKILA BERAT AGI KU NANGGUNG

NENGKADAH BUKIT MEDA TUCHUNG

BALAT ENDAR NEKUL NADAI PEMUJUR

SEMPAMA ASI UDAH NYADI BUBUR

Leka & Tiun: Jackson Dana (JD)

MUTUS ATI (MOREEN MARING)

PUAS AKU BESABAR ARI SUBA

PUAS AKU UDAH NYALAM AMBAI

NGELALAI KA PENYALAH NUAN BELAMA

LABAN ENGGAI MALU DIDINGA URANG BUKAI

LAMA AMAI AKU UDAH MERINSA

TIAP ARI BEKUAH KE AI MATA

PEMENTAS NUAN NYAU LAMA UDAH LELA

JAKU MANIS NUAN TAU NYADI LAYA

C/O:

MUTUS ATI

AKU DIATU AMBU

BESERARA ENGGAU NUAN OH..O..SULU

ENDA AKU NGIRA

DIRI TI DILEBU

AKU ENDA SANGGUP SELALU DITIPU

BEGULAI PAN UDAH NADAI RETI

ATI AKU NADAI RINDU AGI

PENYAYAU AKU UDAH BETUKAR BENCI

KAPA AKU KA PEDULI AGI

Leka & Tiun: Juliana Maring

ANDAL (EDWIN MARING)

ENDA AKU NYANGKA ENDA AKU NGADANG

PENGERINDU TUA NYAU AGI MEKANG

AGI BELALA TUA BESULU

TANG NUAN NGEJANG MUAI AKU

AKU ENDA NEMU AKU ENDA SEDAR

LABAN KE SABAR KELALU ANDAL

NUAN KU SAYAU NGASUH KU IRAU

DIATU NUAN TEMU AKU LENYAU

C/O:

AKU KEDIRI BERUNDING NENGALI

BAKA PERAU NADAI NGEMUDI

NGARAP KA NUAN TANG ENDA MERUAN

NYA NGASUH AKU PEREMBAM DALAM

AKU ENDA MINTA AKU ENDA NYANDA

MEJAL NUAN NIKAL MANSA NGELANSA

NI MEH KO ATI NUAN BAKANI

ANDAL PAN AKU NADAI RETI

Lagu & Tiun: Jackson Dana (JD)

MENALAN SUNYI (LORENZE MARING)

NADAI NYANGKA PENGERINDU TUA

TI LAMA UDAH DITANGGAM

NYAU TEBERERAK RUBUH DI TEMPAYA

ENDA ULIH DI KEMERAN DI SALAM

TUA SAMA MELEKA NYINGKANG PEGI

NINGGAL MENALAN SUNYI NADAI DI JAGA

UKAI ENDA SINU UKAI ENDA BERAIE

TANG JALAI TUA UDAH BEBAGI DUA

C/O:

AKU ENDA NAGANG NUAN NYINGKANG

MELEKA GENGGAM JARI TUA DARA

NUAN ENDA KAKANG KU PEGI NGEJANG

NADAI NGETAN ENDA NESAL TUA BESERARA

ENDA BERAKAR PANGAN DIRI

TUA SAMA ‘DAH LEJU NADAI ATI

ENGKA PEMUAS KE MADU PENGERINDU

NADAI UJUNG NUNTUNG KE ATI TUA

ENDA SEJALAI ENDA SEPENEMU

JALAI KE PENUDI BERENGGANG TUA BESERARA

Lagu & Tiun: Juliana Maring

MERINSA (MOREEN MARING)

BETAUN TI UDAH LALU TUA BESERARA

TUA BESERARA UKAI NYA KETEGAL LAYA

TANG DISANGGUP ENGGAU RUNDING TUA

MANAH AGI TUA SAMA NGATI KA DIRI AJA

AKU NEMU ATI NUAN CUKUP BERAIE

AKU PAN MERINSA NGUBAT ATI BEPEDI

NGENANG PERAMBU TUA KA SEKUNSI

LULUH NGAPA LABAN DITAGANG BALA AKU

C/O:

NYAU TUSUT RUNDING KU SUBA SULU

TUSAH BEKIRA SAPA PATUT KU PILIH

PILIH AKU NUAN NANGI KE DIBENCI

APAI INDAI KABAN BELAYAN

PILIH AKU KAMI SEBILIK NANGI KA

ATI NUAN TELIH BERAIE

MERINSA…MERINSA…

HO..O..O..KU SUBA SULU

NYAU SAMPAI KE AKU SARITU SULU

AGI BEDAU KEDIRI TETAP NADAI GANTI

ATI KU NANGI TAKUT KA URANG BARU

ENDA NGEMENTAS NUAN SUBA SULU

Leka & Tiun: Juliana Maring

PESAN NGAGAI ‘NEMBIAK (SIMON MARING)

WU..HU…HU…..

HA….HA…..O..

MAYA AGI BIAK MAYUH KITAI ENDA BETATI

NGAGA ULAH TI ENDA MANAH NITIH KE ATI

ILA DAH TUAI LEBUH NGELI KA TINGGAL SIGI

NYA BARU KITAI BISI NESAL PENYALAH DIRI

C/O:

INGAT MEH, INGAT MEH BALA ‘NEMBIAK

ANANG BEIRUP KE ARAK NYA TAU NGERUSAK

BELAJAR, BELAJAR MEH TINGGI-TINGGI

BULIH TUPI EMPAT SEGI SENANG MEH ATI

(SENANG MEH ATI)

ANANG BEPANGAN LEBUH MAYA AGI SEKULA

DINGA KE AJAR APAI INDAI NUAN TAU MENYANA

(NUAN TAU MENYANA)

O…HO…HO…O…

**TU MEH LAGU DITUJU NGAGAI BALA KITA' ‘NEMBIAK

Leka: Simon Maring

Tiun: Simon, Juliana & Lorenze Maring

KEMARI (LORENZE MARING)

KEMARI

BEPEGAI JARI BEIRING BEJALAI

NANGGAM PENGERINDU BENUNG BEBUNGAI

BEJANJI BESAKSI KA PANAS LEMAI

MATI IDUP TUA TETAP BEGULAI

KEMARI

BEPADU NADAI NANGI KE PENGUJI

ENDA TAKUT DIPANGKA RIBUT ENGGAU KUDI

KEBAL SEMUA TEBAK PENAJAM DURI

NYILAT DITIKAM SEMBILU DI ATI

C/O:

SEMUANYA UDAH PECAH TEREMPAS BAKA KACA

KEBERAI ENDA ULIH BEJANTIL AGI

SIGI AMAT TELIH DI ATI BEBEKAU MERUAN BELITAN

PEDIS NAPI PENGELEBU MAYA BEPANGAN

BAKA TALI DITANCANG PUTUS DI TENGAN

KEMARI

NUNDI PIKIR SELALU NGENANG PEMANIS

PEMAIT KE BENUNG DI ASAI NAKA PEMEDIS

INGIN DIKESAI DITESAI AMBIS LENGIS

MUKA LAMBAR BARU MERUAN LEBIH MANIS

Leka & Tiun: Juliana Maring

SANGGUP NEBANG SANGGUP NGESAN-SNSN (EDWIN MARING)

SEMUA URANG NEMU JERITA TUA

UDAH BEGULAI BEPANGAN LAMA

JANJI KA NIRI KE RUMAHTANGGA

UDU PEMALU ENTI ENDA JADI

UDAH BETAMPUNG PERABUNG INGGAP BERARI

SEMPAMA BAKA TALI DITANCANG MATI

C/O:

BAKA API DIGENGGAM NYENTUK NYADI BARA

BIAR UJAN KUDI MANGKA ENDA NGELENGKA

BIAR BERIBU ANTU NYERARA TUA

TUA SIGI ENDA MUDAH BESERARA  NGAPA

SANGGUP TUA NEBANG SANGGUP MEH NGESAN

BAKA PANTAK TUA NGENAN SERANGAN

NADAI SAPA URANG ULIH NAGANG NGETAN

Leka & Tiun: Jackson Dana

BEGULAI SEJALAI (BSP- Juliana, Simon, Moreen, Edwin & Lorenze Maring)

ENDA PUAS ENTI SEMINA NIMPAI

ENDA TEPANTUP ENTI SEMINA NINGA

PEMANSANG DUNYA MUZIK KITAI

MUZIK KENYALANG MERINDANG PENINGA

NYIDI BEKAU SIDA KA UDAH DULU

NITIH BEGADAI NGEREMBANG JALAI

BEBEKAL KE SEKEDA LAGU-LAGU

BETELADAN KE UBAH MENUA BUKAI

C/O:

BEGULAI SEJALAI KAMI SEBUAT

BEBAI TERJUN DALAM DUNYA PEMERINDANG

SEMINA NGUJI SERTA KA PENGINGAT

DIPEDA DITELA KABAN BELAYAN

MAI BALA PENINGA MERI SUKUNG

DALAM NGEREMBAI KE PENGAWA BELAGU

NGADING NGENATAI KE ANAK PENEMU

DALAM LAGU NADAI SEMPADAN NADAI UJUNG

MERI TERIMA KASIH NGAGAI PETARA

DIATU KITAI ULIH BETEMU BARU

SAMBUT MEH SALAM BEKELALA

ARI KAMI NGAGAI PENINGA DIKERINDU

Leka & Tiun: Juliana Maring

Kisah dalam lagu semina kena kitai ngias tiun aja. nadai besangkut paut enggau sapa-sapa. Tu sigi adat dalam lagu aja.

Disediaka,

Lorenze Maring

Editor BSP

SEPEMANJAI PENGAWA NGAGA ALBUM

Nyadi tu mantai ke sekeda ari gambar-gambar kami semadi ke benung kiruh begaga ke album. Nya alai gambar ke dalam tu sigi ukai ke 'pose' manah-manah, tang sigi gambar-gambar 'kandid' maya ke gawa.

Simon Maring nguji begambar ba home studio BSP

Simon Maring

Belakang sapa tu?..hahahaha....tu meh Editor BSP...bekaraoke dulu ngelemi ke nyawa sebedau masuk ke vokal dalam lagu "Kemari" & "Menalan Sunyi"

Hahahaha...tu sigi ta' Raja Lawak BSP tu. Maya ke ka nguji begambar 'kandid' diri menyadi.

Kira gambar simpanan peribadi BSP meh tu.

Mega gambar rindu ati BSP

Enda berasai kengka ka 5 iku diri menyadi, 5 nya ga terjun ngagai dunya pemerindang.

Tu setting ka Shoot video lagu Edwin-ANDAL

Hahahaha....laban ke sigi nadai enda sihat tubuh, gawa pan enda meh bebaju. Maya shooting VT ba home studio BSP.

Udah tembu pengawa kami, kami pan ngelanjan enda lama nemuai ngagai Singapore. Perambu deka nemuai baru jemah ila laban tu tadi enda berentak semina nyenguk aja laban ke nyu malam ari.

 Juliana & Moreen Maring sempat begambar maya ke nurun shooting

 Eseh men!!!..Mr. Abon...org kuat BSP

 Kak Sophie benung ngadu ke make up Juliana

 Touch...

 Puas belekatka bulu mata pelesu..hahahaha...

 Editor (Lorenze) Setting kamera ke mit kena shoot koleksi B.T.S.

 Editor a.k.a Cameraman BSP

 Nama ulah ucak tu!!...hahahaha...enda nemu enggai begambar..hahaha..

 Maya shooting 

 Nguji ka kamera meh jara. (T-Shirt BSP)

 Juliana tu sigi seruran "mancak" diri enggau kamera..

 Rapar perut udah gawa bendar...makai 'time' ...mua pan nampak amat udah lelak gawa.

 Nganti udar utai ke dempa sempat meh 'bepancak' ke gambar

 Eseh...nyengala tu kini?...hahaha...steady u! Ia mega cameraman BSP

 Tu shooting mensia ka? Tauka nge-shoot kamera nya empu?..hahahahaha...

Wo!...Editor begulai enggau sis Juliana...nurun shooting ke Danga Bay

Gambar-gambar dalam 'archive' tu deka di tambah mayuh ka agi laban agi bisi gambar ke tau di pasuk ke ditu. Terima kasih ngagai semua ke udah nemuai kitu auk...

Disediaka,

Lorenze Maring

Editor BSP