VIDEO BALA BSP BA YOUTUBE

Nya ia bulih!!!!....hahaha...dalam tu BSP mantai ke semua video klip raban BSP ka kala enggau nyada ka lagu-lagu Iban suba. Tau dipeda enggau nekan ba 'link' ka bisi disediaka ba baruh nitih ke tajuk lagu. Tu tau kena mulai ke pengingat serta beperindang maya ke nemuai ngagai blog BSP tu.

VIDEO-VIDEO LAGU PEMERINDANG DALAM BSP.

http://youtu.be/NJjbGUmJ6lA
(BSP-Teaser promosi album)

http://youtu.be/qHi3hIJoKjo
(Kerispatih-DEMI CINTA)

http://youtu.be/-A2VJ9eMUns
(Juliana Maring-PENGERINDU AKU ENDA BERUBAH)

http://youtu.be/zm-Jv5dGhq0
Aizat-LAGU KITA covered by Simon Maring)

http://youtu.be/WeZDm9Pen5c
(Juliana & Simon Maring- PEGAI TEGUH TALI SEMAYA)

http://youtu.be/IQkuE7Ckpkg
(Juliana Maring- ANANG MANDING)

http://youtu.be/BvSgXZxg7CY
(Juliana Maring-BEPANGAN AGI BELALA)

http://youtu.be/jYdGqVOgF1g
(Juliana Maring-LELENGAU DEKA BETEMU)

http://youtu.be/0YHyRXK2B8E
(Simon Maring-AKU TAUKA IYA)

http://youtu.be/e9AKEMwFuyw
(Juliana Maring-ANDAL ATI)

http://youtu.be/rJNCKvj4ceA
(Juliana Maring-NUAN SEMINA NGASUH BERAIE)

http://youtu.be/2x9CTmGPKlg
(Juliana Maring-UKAI ENGGAI NERIMA)

http://youtu.be/5J4yO4fsk7w
(Juliana Maring-DINI JANJI NUAN)

http://youtu.be/Wno3PcCy2VU
(Juliana Maring-NADAI NASIB BEGULAI)

http://youtu.be/KdS8A3ZSS-E
(Edwin Maring-BUJANG SAMPAI MATI)

http://youtu.be/I1JQ2B19rvA
(Edwin Maring-AMBI IA KE GANTI AKU)

http://youtu.be/1Qydja0hS6k
(Simon Maring-BLUES APAI ORANG)

http://youtu.be/8eMQjDX-_Hk
(Edwin Maring-NUAN SIKU DIKERINDU)


Meri besai terima kasih ngagai semua ke udah nemuai ngagai 'archive' video BSP tu. Video dalam tu deka ditambah ari maya ke maya.
Mansang mayuh ia ila pama utai nyu ka nyadi...hahaha...


Disediaka,
Lorenze Maring
Editor BSP

LEKA LAGU DALAM ALBUM KOMPILASI BEGULAI SEJALAI

Nyadi ditu ianya semua leka lagu ke bisi dalam album Begulai Sejalai tu. Engka sema maya ke dalam video klip nya bisi salah taip, nyadi ke ditu nya leka ke betul. Semua leka tu udah nyadi Copyright Controlled by BSP SDN BHD.

ENDA BETAH (JULIANA MARING)

ASAIKA DIDINGA KANGAU

ASAIKA DATAI DIJENGKAU

SERURAN SEMAK DI ATI

TAJA NUAN JAUH DI MATA

LEMAI ARI RIBUT BEPUPUT

NYERUMBA KE PENYINU ATI

MERAMPAU LEMBAU KA NYEBUT

MERINSA ATI AKU BERAIE

CO:

TI BAKA KERETAS NYAMAI AKU MANTAI

NULIS BA ATAS REMANG DI LANGIT BIRU

MADAH KE PENGERINDU KU KE NUAN AMBAI

ENDA BETAH AKU DITU JAUH SULU

JERA AMAT KU SULU NANGGUNG PENGERINDU

NYAU ASAI NUAN PEGI ENDA PULAI AGI

UKAI MINA ATI KU IRAU

RAWAN MEGA JAUH NUAN SULU

MUTUS ATI MANAH TUA JADI

PULAI NUAN TUA IDUP SEKUNSI

Leka & Tiun: Juliana Maring

ASI NYADI BUBUR (SIMON MARING)

BETAUN-TAUN AKU KEDIRI

NGIGA PENYENANG DI ATI

BEDAU TETEMU KA PENAWAR RINDU

KENA NYUMAN KA ATI AKU

NINTING ARI AKU BESAMPI

NGAMBIKA ENDA TUSAH ATI

TANG LALU NADAI NGASAI PENYAMAI

PAIT KU TELAN ENDA BERASAI

C/O:

Oh! PETARA DINGA KA SADA

SEBANA ATI AKU NYAPA

MINTA PEDA MINTA TELA

NYELIAH NGAMBI ENDA MERINSA

BERAT NENGKILA BERAT AGI KU NANGGUNG

NENGKADAH BUKIT MEDA TUCHUNG

BALAT ENDAR NEKUL NADAI PEMUJUR

SEMPAMA ASI UDAH NYADI BUBUR

Leka & Tiun: Jackson Dana (JD)

MUTUS ATI (MOREEN MARING)

PUAS AKU BESABAR ARI SUBA

PUAS AKU UDAH NYALAM AMBAI

NGELALAI KA PENYALAH NUAN BELAMA

LABAN ENGGAI MALU DIDINGA URANG BUKAI

LAMA AMAI AKU UDAH MERINSA

TIAP ARI BEKUAH KE AI MATA

PEMENTAS NUAN NYAU LAMA UDAH LELA

JAKU MANIS NUAN TAU NYADI LAYA

C/O:

MUTUS ATI

AKU DIATU AMBU

BESERARA ENGGAU NUAN OH..O..SULU

ENDA AKU NGIRA

DIRI TI DILEBU

AKU ENDA SANGGUP SELALU DITIPU

BEGULAI PAN UDAH NADAI RETI

ATI AKU NADAI RINDU AGI

PENYAYAU AKU UDAH BETUKAR BENCI

KAPA AKU KA PEDULI AGI

Leka & Tiun: Juliana Maring

ANDAL (EDWIN MARING)

ENDA AKU NYANGKA ENDA AKU NGADANG

PENGERINDU TUA NYAU AGI MEKANG

AGI BELALA TUA BESULU

TANG NUAN NGEJANG MUAI AKU

AKU ENDA NEMU AKU ENDA SEDAR

LABAN KE SABAR KELALU ANDAL

NUAN KU SAYAU NGASUH KU IRAU

DIATU NUAN TEMU AKU LENYAU

C/O:

AKU KEDIRI BERUNDING NENGALI

BAKA PERAU NADAI NGEMUDI

NGARAP KA NUAN TANG ENDA MERUAN

NYA NGASUH AKU PEREMBAM DALAM

AKU ENDA MINTA AKU ENDA NYANDA

MEJAL NUAN NIKAL MANSA NGELANSA

NI MEH KO ATI NUAN BAKANI

ANDAL PAN AKU NADAI RETI

Lagu & Tiun: Jackson Dana (JD)

MENALAN SUNYI (LORENZE MARING)

NADAI NYANGKA PENGERINDU TUA

TI LAMA UDAH DITANGGAM

NYAU TEBERERAK RUBUH DI TEMPAYA

ENDA ULIH DI KEMERAN DI SALAM

TUA SAMA MELEKA NYINGKANG PEGI

NINGGAL MENALAN SUNYI NADAI DI JAGA

UKAI ENDA SINU UKAI ENDA BERAIE

TANG JALAI TUA UDAH BEBAGI DUA

C/O:

AKU ENDA NAGANG NUAN NYINGKANG

MELEKA GENGGAM JARI TUA DARA

NUAN ENDA KAKANG KU PEGI NGEJANG

NADAI NGETAN ENDA NESAL TUA BESERARA

ENDA BERAKAR PANGAN DIRI

TUA SAMA ‘DAH LEJU NADAI ATI

ENGKA PEMUAS KE MADU PENGERINDU

NADAI UJUNG NUNTUNG KE ATI TUA

ENDA SEJALAI ENDA SEPENEMU

JALAI KE PENUDI BERENGGANG TUA BESERARA

Lagu & Tiun: Juliana Maring

MERINSA (MOREEN MARING)

BETAUN TI UDAH LALU TUA BESERARA

TUA BESERARA UKAI NYA KETEGAL LAYA

TANG DISANGGUP ENGGAU RUNDING TUA

MANAH AGI TUA SAMA NGATI KA DIRI AJA

AKU NEMU ATI NUAN CUKUP BERAIE

AKU PAN MERINSA NGUBAT ATI BEPEDI

NGENANG PERAMBU TUA KA SEKUNSI

LULUH NGAPA LABAN DITAGANG BALA AKU

C/O:

NYAU TUSUT RUNDING KU SUBA SULU

TUSAH BEKIRA SAPA PATUT KU PILIH

PILIH AKU NUAN NANGI KE DIBENCI

APAI INDAI KABAN BELAYAN

PILIH AKU KAMI SEBILIK NANGI KA

ATI NUAN TELIH BERAIE

MERINSA…MERINSA…

HO..O..O..KU SUBA SULU

NYAU SAMPAI KE AKU SARITU SULU

AGI BEDAU KEDIRI TETAP NADAI GANTI

ATI KU NANGI TAKUT KA URANG BARU

ENDA NGEMENTAS NUAN SUBA SULU

Leka & Tiun: Juliana Maring

PESAN NGAGAI ‘NEMBIAK (SIMON MARING)

WU..HU…HU…..

HA….HA…..O..

MAYA AGI BIAK MAYUH KITAI ENDA BETATI

NGAGA ULAH TI ENDA MANAH NITIH KE ATI

ILA DAH TUAI LEBUH NGELI KA TINGGAL SIGI

NYA BARU KITAI BISI NESAL PENYALAH DIRI

C/O:

INGAT MEH, INGAT MEH BALA ‘NEMBIAK

ANANG BEIRUP KE ARAK NYA TAU NGERUSAK

BELAJAR, BELAJAR MEH TINGGI-TINGGI

BULIH TUPI EMPAT SEGI SENANG MEH ATI

(SENANG MEH ATI)

ANANG BEPANGAN LEBUH MAYA AGI SEKULA

DINGA KE AJAR APAI INDAI NUAN TAU MENYANA

(NUAN TAU MENYANA)

O…HO…HO…O…

**TU MEH LAGU DITUJU NGAGAI BALA KITA' ‘NEMBIAK

Leka: Simon Maring

Tiun: Simon, Juliana & Lorenze Maring

KEMARI (LORENZE MARING)

KEMARI

BEPEGAI JARI BEIRING BEJALAI

NANGGAM PENGERINDU BENUNG BEBUNGAI

BEJANJI BESAKSI KA PANAS LEMAI

MATI IDUP TUA TETAP BEGULAI

KEMARI

BEPADU NADAI NANGI KE PENGUJI

ENDA TAKUT DIPANGKA RIBUT ENGGAU KUDI

KEBAL SEMUA TEBAK PENAJAM DURI

NYILAT DITIKAM SEMBILU DI ATI

C/O:

SEMUANYA UDAH PECAH TEREMPAS BAKA KACA

KEBERAI ENDA ULIH BEJANTIL AGI

SIGI AMAT TELIH DI ATI BEBEKAU MERUAN BELITAN

PEDIS NAPI PENGELEBU MAYA BEPANGAN

BAKA TALI DITANCANG PUTUS DI TENGAN

KEMARI

NUNDI PIKIR SELALU NGENANG PEMANIS

PEMAIT KE BENUNG DI ASAI NAKA PEMEDIS

INGIN DIKESAI DITESAI AMBIS LENGIS

MUKA LAMBAR BARU MERUAN LEBIH MANIS

Leka & Tiun: Juliana Maring

SANGGUP NEBANG SANGGUP NGESAN-SNSN (EDWIN MARING)

SEMUA URANG NEMU JERITA TUA

UDAH BEGULAI BEPANGAN LAMA

JANJI KA NIRI KE RUMAHTANGGA

UDU PEMALU ENTI ENDA JADI

UDAH BETAMPUNG PERABUNG INGGAP BERARI

SEMPAMA BAKA TALI DITANCANG MATI

C/O:

BAKA API DIGENGGAM NYENTUK NYADI BARA

BIAR UJAN KUDI MANGKA ENDA NGELENGKA

BIAR BERIBU ANTU NYERARA TUA

TUA SIGI ENDA MUDAH BESERARA  NGAPA

SANGGUP TUA NEBANG SANGGUP MEH NGESAN

BAKA PANTAK TUA NGENAN SERANGAN

NADAI SAPA URANG ULIH NAGANG NGETAN

Leka & Tiun: Jackson Dana

BEGULAI SEJALAI (BSP- Juliana, Simon, Moreen, Edwin & Lorenze Maring)

ENDA PUAS ENTI SEMINA NIMPAI

ENDA TEPANTUP ENTI SEMINA NINGA

PEMANSANG DUNYA MUZIK KITAI

MUZIK KENYALANG MERINDANG PENINGA

NYIDI BEKAU SIDA KA UDAH DULU

NITIH BEGADAI NGEREMBANG JALAI

BEBEKAL KE SEKEDA LAGU-LAGU

BETELADAN KE UBAH MENUA BUKAI

C/O:

BEGULAI SEJALAI KAMI SEBUAT

BEBAI TERJUN DALAM DUNYA PEMERINDANG

SEMINA NGUJI SERTA KA PENGINGAT

DIPEDA DITELA KABAN BELAYAN

MAI BALA PENINGA MERI SUKUNG

DALAM NGEREMBAI KE PENGAWA BELAGU

NGADING NGENATAI KE ANAK PENEMU

DALAM LAGU NADAI SEMPADAN NADAI UJUNG

MERI TERIMA KASIH NGAGAI PETARA

DIATU KITAI ULIH BETEMU BARU

SAMBUT MEH SALAM BEKELALA

ARI KAMI NGAGAI PENINGA DIKERINDU

Leka & Tiun: Juliana Maring

Kisah dalam lagu semina kena kitai ngias tiun aja. nadai besangkut paut enggau sapa-sapa. Tu sigi adat dalam lagu aja.

Disediaka,

Lorenze Maring

Editor BSP

SEPEMANJAI PENGAWA NGAGA ALBUM

Nyadi tu mantai ke sekeda ari gambar-gambar kami semadi ke benung kiruh begaga ke album. Nya alai gambar ke dalam tu sigi ukai ke 'pose' manah-manah, tang sigi gambar-gambar 'kandid' maya ke gawa.

Simon Maring nguji begambar ba home studio BSP

Simon Maring

Belakang sapa tu?..hahahaha....tu meh Editor BSP...bekaraoke dulu ngelemi ke nyawa sebedau masuk ke vokal dalam lagu "Kemari" & "Menalan Sunyi"

Hahahaha...tu sigi ta' Raja Lawak BSP tu. Maya ke ka nguji begambar 'kandid' diri menyadi.

Kira gambar simpanan peribadi BSP meh tu.

Mega gambar rindu ati BSP

Enda berasai kengka ka 5 iku diri menyadi, 5 nya ga terjun ngagai dunya pemerindang.

Tu setting ka Shoot video lagu Edwin-ANDAL

Hahahaha....laban ke sigi nadai enda sihat tubuh, gawa pan enda meh bebaju. Maya shooting VT ba home studio BSP.

Udah tembu pengawa kami, kami pan ngelanjan enda lama nemuai ngagai Singapore. Perambu deka nemuai baru jemah ila laban tu tadi enda berentak semina nyenguk aja laban ke nyu malam ari.

 Juliana & Moreen Maring sempat begambar maya ke nurun shooting

 Eseh men!!!..Mr. Abon...org kuat BSP

 Kak Sophie benung ngadu ke make up Juliana

 Touch...

 Puas belekatka bulu mata pelesu..hahahaha...

 Editor (Lorenze) Setting kamera ke mit kena shoot koleksi B.T.S.

 Editor a.k.a Cameraman BSP

 Nama ulah ucak tu!!...hahahaha...enda nemu enggai begambar..hahaha..

 Maya shooting 

 Nguji ka kamera meh jara. (T-Shirt BSP)

 Juliana tu sigi seruran "mancak" diri enggau kamera..

 Rapar perut udah gawa bendar...makai 'time' ...mua pan nampak amat udah lelak gawa.

 Nganti udar utai ke dempa sempat meh 'bepancak' ke gambar

 Eseh...nyengala tu kini?...hahaha...steady u! Ia mega cameraman BSP

 Tu shooting mensia ka? Tauka nge-shoot kamera nya empu?..hahahahaha...

Wo!...Editor begulai enggau sis Juliana...nurun shooting ke Danga Bay

Gambar-gambar dalam 'archive' tu deka di tambah mayuh ka agi laban agi bisi gambar ke tau di pasuk ke ditu. Terima kasih ngagai semua ke udah nemuai kitu auk...

Disediaka,

Lorenze Maring

Editor BSP

MANSA PENDING/BERITA KE BARU

Ba dalam MANSA PENDING tu dikena ngenatai ke berita serta pejalai pengawa ti dikereja BSP ari pun sampai ke ila. Nya alai, ngagai semua peninga dunya muzik kitai, serta ke bisi ati deka meda serta ka nemu pengawa kami sebuat, tau muka FOLDER tu. Ukai semina mantai ke rintai pejalai pengawa, tang nyadi ke pengkalan pemadah program (aktiviti) kami sebuat.


BERITA ANGIN BESANGKUT ENGGAU ALBUM BSP
Ngagai peninga ke dikerindu tauka orang mayuh di luar din, nyadi kebatang ia endar amat meh BSP tu deka ngeluar ke siti album ba maya ke sempil ari diatu. Nyadi album nya album keterubah ti deka dikeluarka BSP. Pemansut album nya dijangka deka bisi dijual dalam kandang ujung taun tauka pun taun 2012. Album tu ALBUM KOMPILASI tauka album begulai bebala mayuh ti ngundan penyanyi baka JULIANA MARING, SIMON MARING, EDWIN MARING serta dua iku ke terubah masuk dalam dunya pemerindang ianya MOREEN MARING enggau LORENZE MARING.

Semua proses tauka pejalai pengawa ke ngadu ke album tu endang benung dikerja naka ke diatu. Ngerikut serta ngambi gambar Video Klip udah tembu. Ke diatu, benung dalam pengawa Video Editing & Album Cover serta benung dalam proses trial & correction ba peringkat vokal & mixing lagu. Semua tu nyau ka datai ba tikas ke penudi (final touch).

Kami sebuat ngereja pengawa enda ulih ngerumban laban ke betuai ke maya ke bisi lepa nadai pengawa serta nyelinting ari ke bisi pemisi. Nye meh kebuah rita ke ka ngeluar ke album seruran nyadi 'langgur/perambu' belama ngelamatu. Kelalu ngambi masa lama mega laban kami ke bekereja magang serta enda sama alai. Ngerikut serta ngambi gambar video pan sema ke jaku semina ngerampas aja. Nya alai kadang-kadang semua tu tau nyadi ke penanggul dalam proses ngadu ke album kami sebuat tu.

Taja pia, kami sebuat enggau penuh penyabar serta pengangkun ati ngereja semua tu awak ke tau nyadi serta bisi di kena ngerami dunya pemerindang kitai di serata Sarawak. Kira ke ukai semina "berita ti di bai angin" meh rita kami sebuat ke ka ngeluar ke album tu. Berita ke dikerembai ke aku nengah Blog tu semua utai ke amat magang. Nya alai, ngagai bala peninga ke bisi udah nemu rita sebedau tu, kelebih agi udah pansut ba Newspaper serta media cetak ke bukai ti udah kala nyebut pasal tu, semuanya endang amat. Semina sebedau tu kami sebuat enda berani becerita ke pekara tu laban nangi ke enda nyadi serta perambu mayanya suba agi kelalu jauh deka ngenatai ke diri ba takat (peringkat) ke diatu. Tang diatu, semua proses ke ngadu ke album tu tau dikumbai 70% udah tembu, kira tau meh kami sebuat madah ngagai peninga.

Enggau pemaruh ati serta pengangkun  ke dunya pemerindang, ditu aku ngari ke BSP Sdn Bhd, meri besai terima kasih ngagai bala peninga ke bisi ga udah munga mit capuh beranti ke penatai BSP dalam dunya pemerindag, minta kitai semua meri sukung ngagai pengawa tu, ukai semina kami aja, tang ngagai semua pemerindang bukai ke udah dulu serta lama (OTAI) dalam pengawa belagu mega.

BERITA ANGKA BULAN NOVEMBER 2011
Ke diatu bala BSP benung nembu ke Editing Video Klip lagu-lagu dalam album Kompilasi keterubah tu. Lalu ujung bulan sebelas tu kira ke "Mastering" album tu meh. Arap ke ulih dikeluar serta dijual dalam ujung taun 2011 tauka paling laun dalam pun taun 2012 ila.

Tang taja pia, udah bisi mega 'tempahan' ari bala peninga deka meli VCD ti chulin ari BSP empu. Terima kasih ke sukung kita bala mayuh. Siti ari berita ke manah 'feedback' ari peninga.

Blog serta  FB PAGE BSP mega udah di bantai ngagai bala mayuh ngambi ke sama ulih nemuai serta nemu berita ke pemadu baru ari BSP. Sukung meh pemansang anembiak kitai Iban dalam dunya pemerindang auk.

BERITA JANUARI 2012
Halo...bala peninga, ke diatu album BSP udah lepas ari peringkat penapisan FINAS. BSP diatu benung ba ikas nyelak VCD. Kira udah taun baru cina ila, album deka di jual sebelah pasar serata menua sarawak. Aram meh sama nyukung BSP dalam dunya pemerindang.




BERITA FEBRUARI 2012

Haalllloooo semua....kami deka ngenataika berita ke manah amat. Nyadi ke diatu VCD keterubah ari BSP deka di-idar ke ba serata menua kitai di Sarawak. Udah tembu ngidar ke nya, kami deka mula enggau Airtime-Promotion ba Cats Radio. Kitak tau ngiga VCD kami sebuat nya sebelah kedai ke semak menua kitak auk. Beli ke original aja neh. Anang meli ke dicelak orang nya. Sukung meh industri muzik kitai Dayak auk. Arap ke kitai semua sama bela teperindang lebuh ke ninga lagu-lagu BSP dalam album nya ila.....terima kasih mayuh...........

VCD Begulai Sejalai keterubah ari BEGULAI SEJALAI PRODUCTION

TERIMA ARI BALA PENINGA ENDA DISANGKA!!!...wo!!

Tabi basa ngagai semua bala peninga lagu-lagu Iban dimenua kitai enggau di Semenanjung mega, kami BSP ari ati ti amat, kami meri besai terima kasih ngagai semua ke udah nyukung bebeli ke VCD ke original. Buah penemu ke dipansutka sida ke udah meli, manah magang serta nyadi ke peransang kami terus nyingkang begadai nitih ke org ke udah dulu. Kami BSP mega lebih besemangat deka ngenataika album-album (produk) ke dudi ila enggau lebih manah serta berkualiti gik. Ubah ke dibai BSP enda dibai enggau cara ngenyit, tang mimit-mimit awak ke enda berasai serta ulih diterima bala peninga mayuh. Kami nesau bala peninga semua ke udah bebeli, meda serta ninga album BEGULAI SEJALAI tau ngenataika berita ngagai bala kaban belayan kitak ke bedau, mai sida meri sukung ngagai dunya pemerindang kitai ke makin sari makin mansang tu. Padah ke sida, dunya pemerindang kitai udah mula mansang serta semua ke ayan diatu nya patut disukung enggau enda belampung ati.

Kami BSP minta ampun enti sema pengurang album kami keterubah tu bisi dipeda. Laban kami tu sigi baka orang bukai mega, enda ulih lari ari penyilap serta pengurang. Kami minta ampun ngagai semua peninga lalu deka ngubah utai ke kurang nya ngagai ke lebih manah agi ba album-album ke dudi ila. Kitai mina mensia biasa aja, ke kurang nya sigi ari kitai lalu ke manah serta nadai ilap nya sigi ari PETARA siku aja.


TAUN 2012
ALBUM BARU JULIANA MARING

BSP bisi berita pemadu manah ti deka dipadahka ngagai peninga2 lagu IBAN diserata menua. Kami deka mansut ke album solo JULIANA MARING dalam kandang ia taun tu mega. Album JULIANA MARING tu diasaika lebih narit ati bala peninga kelebih ia agi ke rindu ke pemaju dalam dunya pemerindang. Ubah dalam album tu ianya nyengkaum tusun muzik, rentak-rentak (genre) ke bisi bedau kala digaga dalam lagu kitai Iban, video klip lebih terang ari album Begulai Sejalai serta nunjukka pengangkun BSP dalam dunya pemerindang kitai Dayak. BSP mai ubah muzik ke bakatu, laban deka mai kitai bansa nyingkang ngagai siti dak agi tangga pemaju dalam dunya pemerindang. Album tu dijangka dipasarka dalam bulan 10 sema nadai penanggul. Anti meh penatai JM pulai ngerami kitai dalam dunya pemerindang nyerumba ke tag line BSP, pemerindang kenyalang......


ALBUM - ENDA NYERAH ALAH (JULIANA MARING)

Ngagai kitai bansa ke rindu ke lagu-lagu Iban, kelebih agi lagu-lagu ke berentak baru serta fresh, anang tinggal meri sukung ngagai album baru JM ti deka dikeluarka dalam bulan November (11) tu ila. Kami minta ampun ngagai bala peninga laban bisi laun mimit ngenataika album tu tegal bisi penanggul ke nuntung BSP.

Album JM tu dijangka ulih merindang kitai semua. Beli meh ke original enti VCD lagu tu udah mula dijual ba kedai serata menua kitai bulan sebelas tu ila.


"OoooooooooHaaaaaaaaaaaaaaaaaaaaaaa!!!!!!!....Ni kita bala ibu, bala aya, kaban belayan, serta peninga ti dikerindu ke semua. Datai meh nyenguk, ngetu duduk enda lama ba ruai kami tu. Aram kitai berandau serta bekelala ngambi ke nadai sebarang sagam dalam ati. Bekelala tegal pengerindu serta sukung beamat dalam pemansang DUNYA MUZIK KENYALANG..."



Dikarang,

Lorenze Maring
Ketuai Editor BSP

KOLEKSI GAMBAR-GAMBAR BSP

Koleksi gambar-gambar ke dalam blog tu ngayan ke macam-macam bengkah gambar serta pengawa BSP sepanjai pejalai dalam dunya pemerindang. Koleksi tu mega gambar diri sebilik BSP.

Apai (GM BSP) & Indai Kami

JULIANA MARING

 SIMON MARING

 JULIANA MARING

    Ari kiba: Lorenze, Simon, Juliana (bediri belakang) Moreen, Edwin Maring

(maya ke begempuru nembu ke pengawa Recording & Shooting VT-Sept 2011)

Maring's Five (5)

Edwin Maring

Edwin Maring

Edwin Maring

Juliana Maring

Edwin & Lorenze (belakang), Juliana & Sophia (kak Sophie)

Lorenze (Ketuai Editor BSP) & Doris Stephen Kanang (Wife)

Lorenze & Edwin Maring 

(Maya ke ngembi gambar VT ba Putrajaya)

Lorenze Maring

Moreen Maring

Moreen Maring

Edwin Maring & Abon 

(Lebuh ke sempat ngerampas nemuai ke Singapore)

Abon, Edwin, Moreen & Simon Maring

(ba Reverside Point, Singapore)

Simon Maring

Simon Maring

(maya ke bejalai sambil miting ke pengawa di London)

Simon Maring

(Walk Of  Fame, (Hollywood) Los Angeles)

Simon Maring

(London)

JM

JM

JM

JM

JM

JM

Terima kasih udah sanggup nemuai ngagai sukut gambar-gambar BSP tu. Semina kena ngerindang/merindang ati orang mayuh ke nemuai ngagai Blog kami tu. Terima kasih semua.....

Disediaka,

Lorenze Maring

Editor BSP